haal na poochho mohan ka sab kuchh radhe radhe hai

ya'ni tum vo ho Vaaqaii had hai main to sach-much sabhi ko bhool gaya

ham bhi gaav men shaam ko baitha karte the hamko bhi haalaat ne baahar bheja hai

tum poochho aur main na bataaun aise to haalaat nahin ek zaraa sa dil toota hai aur to koi baat nahin

khushi se kaanp rahi theen ye ungaliyaan itni delete ho gaya ik shaKHs sev karne men

zulm ke qisse sunaaye jab kabhi tafseer se KHoon dheere se utar aaya mirii tasveer se main zameen se yuñ lipt kar ro nahin saktaa faqat aasmaañ ne baandh rakkha hai mujhe zanjeer se

ye ki meraa aasmaañ jo aa gaya nazar tumhein baarishen sikha rahi hain ik naya hunar tumhein

phir roz kii tarah ka vahii gham sametna u uupar se is sharaab se ukta gaya tha main

saazishein hazaar kar tu maut se lada mujhe ai mire aziz ek martaba haraa mujhe muskuraate din ke sukh se ab mujhe hai kya garz tu udaas shaam kii vo siskiyaan gina mujhe

yuñ takht-gaah se rab ka tabaadla dekha isi bina pe farishton men fasla dekha