shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

us ek shaKHs ko ham bhoolne kii koshish meinna jaane kitnii dafa us ko yaad kar baithe

she'r meraa sun ke ahl-e-bazm to KHaamosh thii mere aage likhne waale tabsira karte rahe

vo ladka soory tha apne samay ka muhabbat kha gaii fankaar saai

jaanwar ko jaanwar se utni bhi nafrat nahin aadmi ko aadmi se jitni nafrat ho gaii

us aaine men ham to sanwar bhi nahin sakte jis aaine men aks tumhaara nahin hogaa