khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

mujhe to qaid-e-mohabbat azeez thii lekin kisi ne mujh ko giriftaar. kar ke chhod diya

ab to khushi ka gham hai na gham kii khushi mujhe be-his banaa chuki hai bahut zindagi mujhe

vo ham se KHafaa hain ham un se KHafaa hain magar baat karne ko jee chahta hai jahaan ishq men doob kar rah ga.e hain wahin phir ubharne ko jee chahta hai

lamhe udaas udaas fazaaen ghuti ghuti duniya agar yahii hai to duniya se bach ke chal

dil banaa dost to kya kya na sitam us ne ki.e ham bhi naadaan the nibhaate rahe naadaan ke saath