KHvaabon ko aankhoñ se minha karti hai neend hamesha mujhse dhokha karti hai us ladki se bas ab itnaa rishta hai mil jaa.e to baat wagaira karti hai

mazaa to tab hai ki tum haar ke bhi hanste raho hamesha jeet hi jaana kamaal thodii hai

hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

bade logon se milne men hamesha fasla rakhna jahaan dariyaa samundar se mila dariyaa nahin rehta

zindagi kahte hain jis ko chaar din ki baat hai bas hamesha rahne waali ik KHuda ki zaat hai

zindagi ka har varq ba-shauq padiye ye kitaab ik roz lautaani bhi to hai

zaraa rakh le tu naam uskaa labon par KHuda ki ibadat men raahat milegi

tu itni khoobsurat hai ki hardam takta rehta hooñ tere aage nahin kuchh haisiyat is chaand ki khoobi

talkh lahjaa labon se apne utaara aakhir zoom uskaa mere ehsaanon se haara aakhir

tujhe pata nahin main teraa baap lagta hooñ salaam kar mujhe tu baat karne se pahle