mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

us ladki se bas ab itnaa rishta hai mil jaa.e to baat wagaira karti hai baarish mere rab ki aisi nemat hai rone men aasaani paida karti hai

ab zaroori to nahin hai ki vo sab kuchh kah de dil men jo kuchh bhi ho aankhoñ se nazar aata hai main usse sirf ye kahtaa hoon ki ghar jaana hai aur vo maarnay marne pe utar aata hai

chhod gaii abke vo bhi mujh...ko jo cigarette chhudaaya karti thii

zindagi kahte hain jis ko chaar din ki baat hai bas hamesha rahne waali ik KHuda ki zaat hai

ik teraa hijr daaimi hai mujhe warna har cheez aarzi hai mujhe

tamaam nakhuda saahil se door ho jaayen samundron se akelaa men baat karne hai

sehra se ho ke baagh men aaya hooñ sair ko haathon men phool hain mere paanv men ret hai

is li.e raushni men thandak hai kuchh charaaghon ko nam kiya gaya hai

tilism-e-yaar ye pahluu nikaal leta hai ki pattharon se bhi khushboo nikaal leta hai hai be-lihaaz kuchh aisa ki aankh lagte hi vo sar ke neeche se baazu nikaal leta hai