ab dost koi laao mukaabil men hamaare dushman to koi kad ke barabar nahin niklaa

agar raqeeb na hote to dost hote aap hamaare shauq khayaalaat ek jaise hain

zaraa sa vaqt jo badla to ham pe hansne lage hamaare kaandhe pe sar rakh ke rone waale log

tumhaara to KHuda se raabta hai to dekho na hamaare dukh bataa kar

main sochta hooñ na jaane kahaan se aa ga.e hain hamaare beech jamaane kahaan se aa ga.e hain

lagta hai kaii raaton ka jaaga tha musavvir tasveer kii aankhoñ se thakan jhaank rahi hai

ye saal bhi udaasiyaan de kar chala gaya tum se mile baghair december chala gaya

takra gaya vo mujh se kitaaben li.e hue phir meraa dil aur us kii kitaaben bikhar gaiin

eed ke baa'd vo milne ke li.e aa.e hain eed ka chaand nazar aane laga eed ke baa'd

achchhii soorat ko sanwarne kii zaroorat kya hai saadgi men bhi qayamat kii ada hoti hai