tumhaare paanv qasam se bahut hi pyaare hain KHuda kare mere bacchon ki in men jannat ho

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin

pahle sau baar idhar aur udhar dekha hai tab kahii dar ke tumhein ek nazar dekha hai

main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

din men mil lete kahii raat zaroori thii kya benateeja ye mulaqaat zaroori thii kya mujhse kahte to main aankhoñ men bula leta tumhein bheegne ke li.e barsaat zaroori thii kya

suna hai ha men be-vafa tum kaho ho zaraa ham se aañkhen mila lo to jaanen

na jaane rooth ke baitha hai dil ka chain kahaan mile to us ko hamaara koii salaam kahe

vo baat zaraa sii jise kahte hain gham-e-dil samjhaane men ik umr guzar jaa.e hai pyaare

gham hai to koi lutf nahin bistar-e-gul par jee KHush hai to kaanton pe bhi aaraam bahut hai

vo kahte hain har chot par muskuraao vafaa yaad rakho sitam bhool jaao