shaayad mujhe kisi se mohabbat nahin hui lekin yaqeen sab ko dilaata raha hooñ main

tumse mil kar itni to ummeed hui hai is duniya men vaqt bitaya ja saka hai

sochta hooñ ki uski aakhiri call aakhiri hi hui to kya hogaa

tune dekhi hai vo peshaani vo rukhsaar vo hont zindagi jinke tasavvur men luta dii hamne tujhpe uthi hain vo khoi hui saahir aañkhen tujhko maaloom hai kyuuñ umr ganwa dii hamne

aaj ham dono ko furqat hai chalo ishq karein ishq dono ki zaroorat hai chalo ishq karen

vo ek ashk jo haasil hai zindagaani ka tamaam umr ke manzar nichod kar niklaa

lutf aata hai bahut soch ke mujh...ko ki raqeeb rangat-e-lab ko teri paan samjhte honge

be-sabab marne se achha hai ki ho koi sabab doston cigarette piyo may-khwaariyaan karte raho

asar karti hai koi-koi baat aahista aahista samajh men aate hain kuchh mojazaat aahista aahista

KHud husn se na poochiye taa'riif husn ki deewane se ye poochiye deewaana kyun hua