koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

itnaa to zindagi men kisi ke khalal pade hansne se ho sukoon na rone se kal pade

jo ik KHuda nahin milta to itnaa maatam kyun yahaañ to koi mira ham-zabaan nahin milta

gar doobna hi apna muqaddar hai to suno doobenge ham zaroor magar nakhuda ke saath

bahaar aa.e to meraa salaam kah dena mujhe to aaj talab kar liya hai sehra ne

ek zakham aisa na khaaya ki bahaar aa jaati daar tak le ke gaya shauq-e-shahaadat mujh ko