bas ye diqqat hai bhulaane men use uske badle men kis ko yaad karen

tere jaane ke baad bas yaaden har taraf yaad-yaad bas yaaden sona chaan dii zameen ghar sab kuchh hain meri jaayadaad bas yaaden

sach batao ki sach yahii hai kya saans lena hi zindagi hai kya kuchh naya kaam kar nayi ladki ishq karna hai baavli hai kya

saada hooñ aur brands pasand nahin mujh ko mujh par apne paise jaaya mat karna

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin

ye aur baat batao na tum ha men lekin kisi ke KHvaab to aankhoñ men pal rahe honge

tum intizaar to kar doge khatm aa ke magarna kar sakoge ada mere intizaar ka haq

ta-umr tire paas ye baithe na rahenge naadaan tu buzurgon ko zaraa waqt diya kar

ham ghar se to chale the kisi aur kaam ko phir yuñ hua ki un kii gali yaad aa gaii

vahaañ gandum ne kahiin ka na rakha yahaañ pe tum ne kahiin ka na rakha