shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamaare baad tere ishq men naye ladke badan to choomenge zulfen nahin sanvaarenge

sochun to saari umr mohabbat men kat gaii dekhooñ to ek shaKHs bhi meraa nahin hua

kuchh baat hai ki hasti mitati nahin hamaari sadiyon raha hai dushman daur e zamaan hamaara

ajal se lekar ab tak auraton ko siwaye jism kya samjha gaya hai

main sochta hooñ na jaane kahaan se aa ga.e hain hamaare beech jamaane kahaan se aa ga.e hain

asar ke vaqt mere paas na baith mujh pe ik sanwali ka saaya hai

kisi bahaane se uski naarazgi khatm to karne thii uske pasandeeda shayar ke she'r use bhejavai hain

ye tu jo mohabbat men sila maang raha hai ai shaKHs tu andar se bhikaari to nahin hai