kuchh baat hai ki hasti mitati nahin hamaari sadiyon raha hai dushman daur e zamaan hamaara

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

muddaton baad ik shaKHs se milne ke li.e aaina dekha gaya baal sanwaare ga.e

ik teraa hijr daaimi hai mujhe warna har cheez aarzi hai mujhe

is li.e raushni men thandak hai kuchh charaaghon ko nam kiya gaya hai

yuñ nahin hai ki faqat main hi use chahta hooñ jo bhi us ped ki chaanv men gaya baith gaya

tareekiyo ko aag lage aur diya jale ye raat bein karti rahe aur diya jale us ki zabaan men itnaa asar hai ki nisf shab vo raushni ki baat kare aur diya jale

ye kis ne baagh se us shaKHs ko bula liya hai parind ud ga.e pedon ne munh banaa liya hai use pata tha main choone men vaqt leta hooñ so us ne vasl ka doraaniya badha liya hai