tum poochho aur main na bataaun aise to haalaat nahin ek zaraa sa dil toota hai aur to koi baat nahin

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

ishq men ye daava to naiiñ hai main hi awwal aaunga lekin itnaa kah saka hooñ achchhe number laaunga

maana ki teri deed ke qaabil nahin hooñ main tu miraa shauq dekh miraa intizaar dekh

dekho ham koi wahshi nahin deewane hain tumse button khulwane nahin lagwane hain

ye jhaank letii hai dil se jo doosre dil men meri nigaah men saara kamaal dard ka hai

har roz uthaata hooñ kisi KHvaab kii mayyat aur aap ye kahte hain ki maatam na karoon main ik shaKHs dikha do mujhe hansta hua dil se goya ki ye sab dekh ke bhi gham na karoon main

hai kisi zaalim urdu ki ghaat darwaaze men hai ya masafat hai nayi ya raat darwaaze men hai jis tarha uthatii hai nazren be-iraada baar-baar saaf lagta hai ke koi baat darwaaze men

bekar khayaalon se lipt kar nahin dekha jo kuchh bhi hua ham ne palat kar nahin dekha is dar se ke kat jaa.e na beenaai ke reshe aankhoñ ne teri raahon se hatkar nahin dekha

main be-khayaal kabhi dhoop men nikal aaun to kuchh sahaab mire saath saath chalte hain