koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

hazaaron saal nargis apni be-noori pe roti hai badi mushkil se hota hai chaman men deeda-war paida

har roz uthaata hooñ kisi KHvaab kii mayyat aur aap ye kahte hain ki maatam na karoon main ik shaKHs dikha do mujhe hansta hua dil se goya ki ye sab dekh ke bhi gham na karoon main

ye jhaank letii hai dil se jo doosre dil men meri nigaah men saara kamaal dard ka hai

bas ek lamhe ke sach jhooth ke evaz farhat tamaam umr ka ilzaam le gaya mujh se

main sha'ir hooñ mohabbat ka mire dukh bhi raseele hain

kabhi sehar to kabhi shaam le gaya mujh se tumhaara dard kaii kaam le gaya mujh se