KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

teri nigaah-e-naaz se chhoote hue darakht mar jaayen kya karen bataa sukhe hue darakht hairat hai ped neem ke dene lage hain aam pagla ga.e hain aapke choo men hue darakht

raaste men phir vahii pairo'n ko chakkar aa gaya january guzra nahin tha aur december aa gaya

usooli taur pe mar jaana chahiye tha magar mujhe sukoon mila hai tujhe juda kar ke

dard-e-mohabbat dard-e-judai dono ko ik saath mila tu bhi tanhaa main bhi tanhaa aa is baat pe haath mila

badh ke toofaan ko aaghosh men le le apni doobne waale tire haath se saahil to gaya

phir aaj adam shaam se gamgeen hai tabeeyat phir aaj sar-e-shaam main kuchh soch raha hooñ

dil abhii poori tarah toota nahin doston ki meherbaani chahiye

kahte hain umr-e-rafta kabhi lauTtii nahin ja may-kade se meri jawaani utha ke la

ai gham-e-zindagi na ho naaraz mujh ko aadat hai muskuraane ki