tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ab to har haath ka patthar ha men pahchaanta hai umr guzri hai tere shahar men aate jaate

ai watan ik roz teri KHaak men kho jaayenge so jaayenge mar ke bhi rishta nahin chhootega hindustan se imaan se

guzishta saal ke zakhamo hare-bhare rahna juloos ab ke baras bhi yahiin se niklega

main parvaton se ladta raha aur chand log geeli zameen khod ke farhaad ho ga.e

main ahmiyat bhi samajhta hooñ qahqahon kii magar mazaa kuchh apna alag hai udaas hone ka