tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bas yuñ hi dil ko tavakko sii hai tujh se warna jaanta hooñ ki muqaddar hai mera tanhaaii

kaun achha hai is zamaane men kyun kisi ko bura kahe koii

Din bhar to main duniya ke dhandon me khoya raha

hamaare ghar ki deewaron pe naasir udaasi baal khole so rahi hai

jinhen ham dekh kar jeete the naasir vo log aankhoñ se ojhal ho ga.e hain