koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

patthar ke jigar waalo gham men vo ravaani hai KHud raah banaa lega bahta hua paani hai

charaaghon ko aankhoñ men mahfooz rakhna badi door tak raat hi raat hogii

saath sanduqon men bhar kar dafn kar do nafratein aaj insaan ko mohabbat kii zaroorat hai bahut

main tere saath sitaaron se guzar saka hooñ kitna aasaan mohabbat ka safar lagta hai

bhool shaayad bahut badi kar li dil ne duniya se dosti kar li