koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

log har mod pe ruk ruk ke sambhalte kyun hain itnaa darte hain to phir ghar se nikalte kyun hain mod hota hai jawaani ka sambhalne ke li.e aur sab log yahiin aa ke fisalte kyun hain

ham hain na ye jo mujhse kahte hain KHud kisi aur ke bharose hain zindagi ke li.e batao kuchh khudkushi ke to sau tariqe hain

hui muddat ki ghalib mar gaya par yaad aata hai vo har ik baat par kehna ki yuñ hota to kya hota

tum un ke wa'de ka zikr un se kyun karo ghalib ye kya ki tum kaho aur vo kahein ki yaad nahin

apni aadat hai agar hona to bas ek dil ka kehne waale isi aadat ko vafaa kahte hain

kisi ki manzilon ka aks banke bhi to dekh kisi ko raasta hokar guzar bhi jaane de

soz-e-wafa ke naam se armaan the bahut lekin dayaar e-ishq se anjaan the bahut lagta tha unhen ishq ki raahen hain munaakid aakar ke raah-e-ishq men hairaan the bahut

likha tha jiske muqaddar men vo usii ka hua vo meraa hona nahin tha meraa hua bhi nahin

tasveer ik jala ke bujhaata raha hooñ main uske hi paas laut ke jaata raha hooñ main ye na-tamaam KHvaab haqeeqat hon kis tarah har pal to apni neend udaata raha hooñ main