muddaton baad ik shaKHs se milne ke li.e aaina dekha gaya baal sanwaare ga.e

kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

bichhad gaya hooñ magar yaad karta rehta hooñ kitaab chhod chuka hooñ padhaai jaarii hai

main baal baal bach gaya har baar ishq se sar ke bahut qareeb se patthar guzar ga.e

Ek main hoon ki is aashob e nava men chup hoon

kaha tha tum ne ki laata hai kaun ishq kii taab so ham javaab tumhaare sawaal hi ke to hain

main KHvaab dekh raha hooñ ki vo pukaarta hai aur apne jism se baahar nikal raha hooñ main

dekhte hain to lahu jaise ragein todta hai ham to mar jaayenge seene se laga kar us ko

tu ye na dekh ki sab tahniyaan salaamat hain ki ye darakht tha aur pattiyaan bhi rakhta tha