shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

kisi gali men kiraye pe ghar liya usne phir us gali men gharo ke kiraye badhne lage

jis taraf tu hai udhar hongi sabhi ki nazrein eed ke chaand ka deedaar bahaana hi sahi

kahaan aa ke rukne the raaste kahaan mod tha use bhool ja vo jo mil gaya use yaad rakh jo nahin mila use bhool ja

vo tire naseeb ki baarishen kisi aur chat pe baras gaiin dil-e-be-khabar mirii baat sun use bhool ja use bhool ja

vo jo geet tum ne suna nahin meri umr bhar ka riyaaz tha mere dard ki thii vo dastaan jise tum hañsi men uda ga.e