chaan dii sona ek taraf teraa hona ek taraf ek taraf teri aañkhen jaadu toona ek taraf

ye alag baat ki KHaamosh khade rahte hain phir bhi jo log bade hain vo bade rahte hain

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

ik khwaab ne aañkhen kholi hain kya mod aaya hai kahaanii men vo bheeg rahi hai baarish men aur aag lagii hai paani men

tumhaare KHvaab se har shab lipt ke sote hain sazaayein bhej do ham ne khataayein bheji hain

haath chhooten bhi to rishte nahin chhodaa karte vaqt ki shaakh se lamhe nahin toda karte

KHushboo jaise log mile afsaane men ek puraana khat khola anjaane men

ham ne akshar tumhaari raahon men ruk kar apna hi intizaar kiya