gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

dil na-umeed to nahin naakaam hi to hai lambi hai gham ki shaam magar shaam hi to hai

le de ke apne paas faqat ik nazar to hai kyun dekhen zindagi ko kisi ki nazar se ham

tu naya hai to dikha subh nayi shaam nayi warna in aankhoñ ne dekhe hain naye saal kaii

pahle sau baar idhar aur udhar dekha hai tab kahii dar ke tumhein ek nazar dekha hai

na intizaar karo inka ai aza-daaro shaheed jaate hain jannat ko ghar nahin aate

shikaayat us se nahin apne aapse hai mujhe vo be-vafa tha to main aas kyun laga baitha

shaam se pahle tiri shaam na hone dooñga zindagi main tujhe naakaam na hone dooñga

subah kii sair kii karta hooñ tamannaa shab bhar din nikalta hai to bistar men pada rehta hooñ

vo kyun na roothta maine bhi to KHataa kii thii bahut khayal rakha tha bahut vafaa kii thii