ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

dekho to chashm-e-yaar ki jadoo-nigaahiyaan behosh ik nazar men hui anjuman tamaam

she'r dar-asl hain vahii hasrat sunte hi dil men jo utar jaayen

paigham-e-hayat-e-javedaan tha har naghma-e-krishna baansuri ka

ham kya karen agar na tiri aarzoo karen duniya men aur bhi koi tere siva hai kya

nahin aati to yaad unki maheenon tak nahin aati magar jab yaad aate hain to akshar yaad aate hain