koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

main choomta hooñ to vo haath kheench leta hai use pata hai ye seedhi kahaan pe jaani hai

tumhaare naam ki har ladki se mila hooñ main tumhaara naam faqat tum pe achha lagta hai

hamesha haathon men hote hain phool un ke li.e kisi ko bhej ke mangwaane thodii hote hain

mere ghar ke tamaam darwaaze tum se karte hain pyaar aa jaao

vo gul-farosh kahaan ab gulaab kis se luun nahin raha mira saaqi sharaab kis se luun

farishton se bhi achha main bura hone se pahle tha vo mujh se intihaai KHush KHafaa hone se pahle tha

is taalluq men nahin mumkin talaq ye mohabbat hai koi shaa dii nahin