koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

vo gul-farosh kahaan ab gulaab kis se luun nahin raha mira saaqi sharaab kis se luun

chaman men aap ki tarah gulaab ek bhi nahin huzoor ek bhi nahin janab ek bhi nahin

mere ghar ke tamaam darwaaze tum se karte hain pyaar aa jaao

kya pata tha dekhna us ki taraf haadsa itnaa badaa ho jaayega

sirf us ke hont kaaghaz par banaa deta hooñ main KHud banaa letii hai honton par hañsi apni jagah