kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

manzilen kya hain raasta kya hai hausla ho to fasla kya hai

kyuuñ darein zindagi men kya hogaa kuchh na hogaa to tajurba hogaa

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

vo gul-farosh kahaan ab gulaab kis se luun nahin raha mira saaqi sharaab kis se luun

chaman men aap ki tarah gulaab ek bhi nahin huzoor ek bhi nahin janab ek bhi nahin

mere ghar ke tamaam darwaaze tum se karte hain pyaar aa jaao

sirf us ke hont kaaghaz par banaa deta hooñ main KHud banaa letii hai honton par hañsi apni jagah

hamesha haathon men hote hain phool un ke li.e kisi ko bhej ke mangwaane thodii hote hain