koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

kyuuñ darein zindagi men kya hogaa kuchh na hogaa to tajurba hogaa

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

apni aankhoñ men qamar jhaank ke kaise dekhooñ mujh se dekhe hue manzar nahin dekhe jaate

ek chehre se utarti hain naqaaben kitnii log kitne ha men ik shaKHs men mil jaate hain

waqt badlega to is baar main poochhoonga use tum badalte ho to kyun log badal jaate hain

tere dil ke nikale ham kahaan bhatke kahaan pahunchen magar bhatke to yaad aaya bhatkna bhi zaroori tha

lafz kitne hi tere pairo'n se lipate honge tune jab aakhiri khat meraa jalaya hogaa tune jab phool kitaabon se nikale honge dene vaala bhi tujhe yaad to aaya hogaa