bharam rakha hai tere hijr ka varna kya hota hai main rone pe aa jaaun to jharna kya hota hai meraa chhodo main nain thakta meraa kaam yahii hai lekin tumne itne pyaar ka karna kya hota hai

chhodo duniya ki parwaahen karo mohabbat mushkil hon kitnii bhi raahen karo mohabbat sunkar dekho saare mandir yahii kaheinge yahii kahegi sab dargaahen karo mohabbat

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

yahiin tak is shikaayat ko na samjho KHuda tak jaayega jhagda hamaara

ki jaise chaand niklega yahiin se main aise ek khidki dekhta hooñ

paar jis..ko kar raha tha lad ke toofaanon se main KHud vahii mujh...ko chala hai chhodkar majhdhaar men

milne aa.e ya na aa.e mere KHvaabon men tu tere tasavvur ko main KHvaab banaa leta hooñ tere jaane ka gham to hai magar itnaa nahin teri tasveer se ab kaam chala leta hooñ

tumhein naaz hai husn par to suno tum mujhe bhi judaai ka ab dar na hota

jurm kiska kiske sar ilzaam aaya aaj roya jaake tab aaraam aaya ho rahi thii jang uske naam par aur vo hi mere dushmanon ke kaam aaya

jo tu nahin to kuchh nahin mujh...ko muyassar lagta hai tu ho agar to mujh...ko katara bhi samandar lagta hai