tu mohabbat se koi chaal to chal haar jaane ka hausla hai mujhe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

tha ik shaKHs vo jo ki qaateel tha meraa mire dard-e-dil ki shifaa jaanta tha

saaz KHaamosh ki ik tootte sangeet ke naam pyaar men hamne ki.e geet samarpan kitne tauba ye tamkanat-e-husn ilaahi tauba ek shrungaar ko tode ga.e darpan kitne

kisi ka gar sukoon ho to kisi ka mas'ala ho tum dua ho tum davaa ho tum marz ho tum bala ho tum

yahii sochta hooñ main har pal mirii jaañ ki mujhse juda kyun hai taqdeer teri vo bin dii vo kaajal vo kaanon men jhumke rulaati hai akshar vo tasveer teri

mere KHvaab nahin poore hote haan neend se main ab dartaa hooñ teri yaad agar aa jaa.e to tasveer se baatein karta hooñ