muddaton baad ik shaKHs se milne ke li.e aaina dekha gaya baal sanwaare ga.e

gulaab KHvaab davaa zahar jaam kya kya hai main aa gaya hooñ bataa intizaam kya kya hai

ik hunar hai jo kar gaya hooñ main sab ke dil se utar gaya hooñ main

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

vo zamaana guzar gaya kab ka tha jo deewaana mar gaya kab ka

sehar ki aas lagaaye hue hain vo ki jinhen kamaan ae shab se chale teer ki khabar bhi nahin

ye jo ham takhleeq-e-jahaan-e-nau men lage hain paagal hain door se ham ko dekhne waale haath bata ham logon ka

ye imtiyaaz zaroori hai ab ibadat men vahii dua jo nazar kar rahi hai lab bhi karen

safar ke baad bhi zauq-e-safar na rah jaa.e khayal o KHvaab men ab ke bhi ghar na rah jaa.e

chalte hue mujh men kahii thehra hua tu hai rastaa nahin manzil nahin achha hua tu hai