main agar apni jawaani ke suna doon qisse ye jo launde hain mere paanv dabane lag jaa.e

subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

lahjaa ki jaise subh ki khushboo azaan de jee chahta hai main tiri awaaz choom luun

tujh ko meri na mujhe teri khabar jaayegi eed ab ke bhi dabey paanv guzar jaayegi

yaaraan vo jo hai meraa maseeha-e-jaan-o-dil be-had aziz hai mujhe achha ki.e baghair main bistar-e-khayaal pe leta hooñ us ke paas subh-e-azl se koi taqaza ki.e baghair

main apne baap ke seene se phool chunta hooñ so jab bhi saans thami baagh men tahal aaya

vo ped jis ki chaanv men kati thii umr gaav men main choom choom thak gaya magar ye dil bhara nahin

aakhiri baar main kab us se mila yaad nahin bas yahii yaad hai ik shaam bahut bhari thii