mujh ko bhi unhin men se koi ek samajh le kuchh masale hote hain na jo hal nahin hote

ameer-e-shahr ka rishte men koi kuchh nahin lagta ghareebi chaand ko bhi apna maama maan letii hai

bahut mazaak udaate ho tum ghareebon ka madad to karte ho tasveer kheench lete ho

apni qismat men sabhi kuchh tha magar phool na the tum agar phool na hote to hamaare hote

tujhko khone ki aandhi men jab man bujh sa jaata to phir dil ko main sulgaata hooñ haan ye ghalti meri hai baat hui kaisi hai vo kuchh poocha mere baare men bas inko hi doharaata hooñ haan ye ghalti meri hai

main to ai ishq teri kooza-gari jaanta hooñ tune ham do ko milaaya to banaa ek hi shaKHs

mujh ko us kii aankhoñ men koodne kii aadat hai main tumhein bataaunga khud-kushi ke baare men

maine aankhoñ ke kinaare bhi na tar hone diye jis taraf se aaya tha sailaab waapas kar diya

kya tamasha hai ki sab mujh...ko bura kahte hain aur sab chahte hain meri tarah ka hona

bahut bekar mausam hai magar kuchh kaam karna hai ki taaza zakham milne tak puraana zakham bharna hai