har she'r har ghazal pe hai aisi chaap teri tasveer ban rahi hai ik apne aap teri tere li.e kisi ko itnaa deewaana dekha lagne lagii hai mujh ko chaahat bhi paap teri

she'r to roz hi kahte hain ghazal ke lekin aa kabhi baith ke tujhse karen baatein teri

labon men aa ke qulfi ho ga.e ashaar sar dii men ghazal kehna bhi ab to ho gaya dushwaar sar dii men

lo hamaara javaab le jaao ye mahakta gulaab le jaao

paas hamaare aakar vo sharmati hai tab jaakar ke ek ghazal ho paati hai us..ko choona chhota mota khel nahin garmi kya sar dii men loo lag jaati hai

lab-e-khayaal se us lab ka jo liya bosa to munh hi munh men ajab tarah ka mazaa aaya

sabhi inaam nit paate hain ai sheerin-dahan tujh se kabhu tu ek bose se hamaara munh bhi meetha kar

rakhe hai lazzat-e-bosa se mujh ko gar mahroom to apne tu bhi na honton talak zabaan pahuncha

mil ga.e the ek baar us ke jo mere lab se lab umr bhar honton pe apne main zabaan fera kiya