tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

ज़ाया' kiya hai vaqt jo aawaargi men shaayad hi lautega kabhi vo zindagi men itnaa guzaara vaqt maine raushni bin lagne laga achha mujhe ab teergii men

zamaane se ye kehne ko kaleja chahiye jaanaan tumhaare baad bhi tumse muhabbat kar raha hooñ main

ye sabq dekar gaya mujh...ko guzishta saal bhi jaane waalon ke li.e roya nahin karte miyaan

uskaa lahjaa dekha to ye samjha main mausam pal men kaise badla karte hain

is ada se dil na bahlega hamaara hasratein kuchh aur hain is diljale kii