koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

dekho ham koi wahshi nahin deewane hain tumse button khulwane nahin lagwane hain

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

tasavvur men bhi ab vo be-naqaab aate nahin mujh tak qayamat aa chuki hai log kahte hain shabaab aaya

kyun hijr ke shikwe karta hai kyun dard ke rone rota hai ab ishq kiya to sabr bhi kar is men to yahii kuchh hota hai

rang badla yaar ne vo pyaar ki baatein gaiin vo mulaqaatein gaiin vo chaandni raatein gaiin

saari duniya ko hai galat-fahmi mujh pe tu mehrbaan hai pyaare