sab kar lena lamhe zaayaa' mat karna ghalat jagah par jazbe zaayaa' mat karna

sochta hooñ ki uski aakhiri call aakhiri hi hui to kya hogaa

apne samaan ko baandhe hue is soch men hooñ jo kahii ke nahin rahte vo kahaan jaate hain

sach batao ki sach yahii hai kya saans lena hi zindagi hai kya kuchh naya kaam kar nayi ladki ishq karna hai baavli hai kya

sochta hooñ ki us ki yaad aaKHir ab kise raat bhar jagati hai

ai aasmaan kis li.e is darja barhmi ham ne to tiri samt ishaara nahin kiya

jo tum ho to ye kaise maan luun main ki jo kuchh hai yahaañ bas ik gumaan hai

dhyaan men aa kar baith ga.e ho tum bhi naan mujhe musalsal dekh rahe ho tum bhi naan

tum ne kis kaifiyat men mukhaatab kiya kaif deta raha lafz-e-'too der tak

zindagi men kabhi kisi ko bhi main ne chaaha nahin magar tum ko