tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

us ladki se bas ab itnaa rishta hai mil jaa.e to baat wagaira karti hai baarish mere rab ki aisi nemat hai rone men aasaani paida karti hai

sab parindon se pyaar loonga main ped ka roop dhaar loonga main tu nishaane pe aa bhi jaa.e agar kaun sa teer maar loonga main

shauq hai is dil-e-darinda ko aap ke hont kaat khaane ka

guzar chuki julmate shab-e-hijr par badan men vo teergii hai main jal marunga magar chiraagon ke lo ko madhyam nahin karunga yah ahd lekar hi tujh ko saumpi thii maine kalbau nazar ki sarhad jo tere haathon se katl hogaa main us ka maatam nahin karunga

ai zabt dekh ishq kii un ko khabar na ho dil men hazaar dard uthe aankh tar na ho

shab-e-visaal bahut kam hai aasmaañ se kaho ki jod de koi tukda shab-e-judaai ka

putliyaan tak bhi to phir jaati hain dekho dam-e-naz'a vaqt padta hai to sab aankh chura jaate hain

jawaan hone lage jab vo to ham se kar liya parda haya yak-lakht aayi aur shabaab aahista aahista

bosa liya jo us lab-e-sheereen ka mar ga.e dii jaan ham ne chashma-e-aab-e-hayaat par