kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

eed ka chaand tum ne dekh liya chaand ki eed ho gaii hogii

chadar ki izzat karta hooñ aur parde ko maanta hooñ har parda parda nahin hota itnaa main bhi jaanta hooñ

ye kehna tha un se mohabbat hai mujh ko ye kehne men mujh ko zamaane lage hain

main tere baad koi tere jaisa dhoondhta hooñ jo be-vafaaii kare aur be-vafa na lage

shab-e-visaal bahut kam hai aasmaañ se kaho ki jod de koi tukda shab-e-judaai ka

ai zabt dekh ishq kii un ko khabar na ho dil men hazaar dard uthe aankh tar na ho

putliyaan tak bhi to phir jaati hain dekho dam-e-naz'a vaqt padta hai to sab aankh chura jaate hain

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

kashtiyaañ sab ki kinaare pe pahunch jaati hain naKHuda jin ka nahin un ka KHuda hota hai