shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mat pooch ki kya haal hai meraa tere peeche tu dekh ki kya rang hai teraa mere aage

haar ho jaati hai jab maan liya jaata hai jeet tab hoti hai jab thaan liya jaata hai

gale milnaa na milnaa to teri marzi hai lekin tere chehre se lagta hai teraa dil kar raha hai

hai husuul-e-aarzuu ka raaz tark-e-aarzoo maine duniya chhod dii to mil gaii duniya mujhe

duniya hai KHvaab haasil-e-duniya khayal hai insaan KHvaab dekh raha hai khayal men

maazi-e-marhoom kii naakaamiyon ka zikr chhod zindagi kii fursat-e-baaqi se koii kaam le

ab kya bataaun main tire milne se kya mila irfaan-e-gham hua mujhe apna pata mila

dil kii bisaat kya thii nigaah-e-jamaal men ik aaina tha toot gaya dekh-bhaal men