kisi ko ghar se nikalte hi mil gaii manzil koi hamaari tarah umr bhar safar men raha

gale milnaa na milnaa to teri marzi hai lekin tere chehre se lagta hai teraa dil kar raha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

shaakhon se toot jaayen vo patte nahin hain ham aandhi se koi kah de ki auqaat men rahe

apni ghairat ke li.e faaqa-kashi bhi manzoor teri sharton pe khazana bhi nahin chahte ham

ye bad-naseebi nahin hai to aur phir kya hai safar akelaa kiya hum-safar ke hote hue

KHud ko itnaa jo hawa-daar samajh rakha hai kya ha men ret ki deewaar samajh rakha hai

yahaañ mazboot se mazboot loha toot jaata hai kaii jhoote ikatthe hon to saccha toot jaata hai