ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

maana ki teri deed ke qaabil nahin hooñ main tu miraa shauq dekh miraa intizaar dekh

main kya kahooñ ke mujhe sabr kyun nahin aata main kya karoon ke tujhe dekhne ki aadat hai

tum bahut KHush rahogi mere saath vaise har ik ki apni marzi hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

tajurba bas tumhein hai jeene ka hamne to zindagi ganwaai hai dast ke aap hi musafir ho khaak hamne kahaan udaai hai

abhii jang jaarii hai haara nahin hooñ ki hathiyaar apna utaara nahin hooñ zameen hai ye meri na lalkaaro mujh ko sunaami hooñ main koii dhaara nahin hooñ

ana par baat aa.e lehron ko bhi mod dooñga kate gardan bhale teri akad main tod dooñga rahoonga shaan se chahe khadi ho maut sammukh jhukaaoonga na sar apna ye saansen chhod dooñga

sab ho ye waqt-e-rukhsat na ho ho mulaqaat aaft na ho tum tasavvur men aati raho dil lage tumse nafrat na ho

saans lene ke bhi paise dene honge is qadar mehngaai badhti ja rahi hai