shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamaare baad tere ishq men naye ladke badan to choomenge zulfen nahin sanvaarenge

sochun to saari umr mohabbat men kat gaii dekhooñ to ek shaKHs bhi meraa nahin hua

ye batao ishq ka ye falsafa kya hai dooriyaan jab mit gaii to ab bacha kya hai

ghubaar dil men raha zaKHm bhar nahin paaya hui thii baat magar baat thii adhuri sii

zindagi ka raaz-o-ilm bas hai ik tahreer men vo milega zindagi men jo likha taqdeer men

bhula ke chhod diya us gali men chalna bhi ki daagh lagne na paa.e kisi ke daaman par

baat kah doon to rag-e-dil men utar hi jaayegi sharm roke hai mujhe naadaan samajhte hi nahin