insaan ko hi aql ye aanaa to hai nahin dharti ke hi alaava thik aanaa to hai nahin bhar lo silendron men jahaan bhar ki oxygen tumko magar darakht lagana to hai nahin

aaj hai unko aanaa mazaa aayega phir jalega zam aanaa mazaa aayega teer unki nazar ke chalenge kaii dil banega nish aanaa mazaa aayega

bastii men apni hindu musalmaan jo bas ga.e insaan ki shakl dekhne ko ham taras ga.e

jahaan insaaniyat vehshat ke haathon zabh hoti ho jahaan tazleel hai jeena vahaañ behtar hai mar jaana

jis ne is daur ke insaan ki.e hain paida vahii meraa bhi KHuda ho mujhe manzoor nahin

kis darja dilshikan the mohabbat ke haadse ham zindagi men phir koii armaan na kar sake

bas ab to daaman-e-dil chhod do bekar umeedo bahut dukh sah li.e maine bahut din jee liya maine

maana ki is zameen ko na gulzaar kar sake kuchh khaar kam to kar ga.e guzre jidhar se ham

faqeer-e-shahr ke tan par libaas baaki hai ameer-e-shahr ke armaan abhii kahaan nikle

zulm phir zulm hai badhta hai to mit jaata hai KHoon phir KHoon hai tapkega to jam jaayega