shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamaare baad tere ishq men naye ladke badan to choomenge zulfen nahin sanvaarenge

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

sab ke chehre pe jo tanqeed kiya karte hain aaina un ko dikha do to mazaa aa jaa.e

zaraa sa qatra kahii aaj agar ubharta hai samundron hi ke lehje men baat karta hai

nazarandaaz karne kii saza deni thii tujh ko tere dil men utar jaana zaroori ho gaya tha

ye mohabbat ka fasana bhi badal jaayega vaqt ke saath zamaana bhi badal jaayega

tujhko socha to pata ho gaya ruswaai ko maine mahfooz samajh rakha tha tanhaaii ko