tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

kisi ke dil men jagah kis tarah banaani hai ye seekhne ki ho chaahat hamaare she'r suno

kare jo qaid junoon ko vo jaal mat dena ho jis men hosh use aisa haal mat dena jo mujhse milne ka tumko kabhi khayal aaye to is khayal ko tum kal pe taal mat dena

mirii aarzoo ka haasil tire lab ki muskuraahat hain qubool mujh ko sab gham tiri ik khushi ke badle