nahin lagega use dekh kar magar KHush hai main KHush nahin hooñ magar dekh kar lagega nahin

kis li.e dekhti ho aaina tum to KHud se bhi khoobsurat ho

tum mohabbat ko khel kahte ho ham ne barbaad zindagi kar li

tumhaare baad ye dukh bhi to sahna pad raha hai kisi ke saath majboori men rahna pad raha hai

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

lafz kitne hi tere pairo'n se lipate honge tune jab aakhiri khat meraa jalaya hogaa tune jab phool kitaabon se nikale honge dene vaala bhi tujhe yaad to aaya hogaa

mujh se daaman na chhuda mujh ko bacha kar rakh le mujh se ik roz tujhe pyaar bhi ho saktaa hai

tere dil ke nikale ham kahaan bhatke kahaan pahunchen magar bhatke to yaad aaya bhatkna bhi zaroori tha

apni aankhoñ men qamar jhaank ke kaise dekhooñ mujh se dekhe hue manzar nahin dekhe jaate

waqt badlega to is baar main poochhoonga use tum badalte ho to kyun log badal jaate hain