tum poochho aur main na bataaun aise to haalaat nahin ek zaraa sa dil toota hai aur to koi baat nahin

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tum un ke wa'de ka zikr un se kyun karo ghalib ye kya ki tum kaho aur vo kahein ki yaad nahin

kaun si baat hai tum men aisi itne achchhe kyun lagte ho

tumhaare naam ki har ladki se mila hooñ main tumhaara naam faqat tum pe achha lagta hai

deewaar hai duniya ise raahon se hata de har rasm-e-mohabbat ko mitaane ke li.e aa

ye kis ne kaha hai mirii taqdeer banaa de aa apne hi haathon se mitaane ke li.e aa

kis vaaste likkha hai hatheli pe mira naam main harf-e-ghalat hooñ to mita kyun nahin dete

KHuda jaane kis kis ki ye jaan legi vo qaateel ada vo qaza mahki mahki

ham raaton ko uth uth ke jinke li.e rote hain vo gair ki baanhon men aaraam se sote hain