use kisi se mohabbat thii aur vo main nahin tha ye baat mujhse zyaada use rulaati thii

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

shaayad mujhe kisi se mohabbat nahin hui lekin yaqeen sab ko dilaata raha hooñ main

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

tum jo hansati ho to mastaana kanwal lagti ho meer ka she'r ho ghalib kii ghazal lagti ho sang-e-marmar se tarasha hua shaffaaf badan saans leta hua ik taajmahal lagti ho

ye kis ne kaha hai mirii taqdeer banaa de aa apne hi haathon se mitaane ke li.e aa

deewaar hai duniya ise raahon se hata de har rasm-e-mohabbat ko mitaane ke li.e aa

KHuda jaane kis kis ki ye jaan legi vo qaateel ada vo qaza mahki mahki

jab pyaar nahin hai to bhula kyun nahin dete khat kis li.e rakhe hain jala kyun nahin dete