shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

us..ko fursat nahin milti ki palat kar dekhe ham hi deewane hain deewane bane rahte hain

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

tum jo hansati ho to mastaana kanwal lagti ho meer ka she'r ho ghalib kii ghazal lagti ho sang-e-marmar se tarasha hua shaffaaf badan saans leta hua ik taajmahal lagti ho

ye kis ne kaha hai mirii taqdeer banaa de aa apne hi haathon se mitaane ke li.e aa

deewaar hai duniya ise raahon se hata de har rasm-e-mohabbat ko mitaane ke li.e aa

vo apne chehre men sau aftaab rakhte hain isi li.e to vo rukh pe naqaab rakhte hain

kis vaaste likkha hai hatheli pe mira naam main harf-e-ghalat hooñ to mita kyun nahin dete